د چراغ طبي پوهنتون د افغانستان اسلامي جمهوریت د وزیرانو محترمې شورا د ۱۳۸۶/۱۲/۲۰ نېټې د ۴۹ شمېرې پرېکړې له مخې خپل رسمي جواز ترلاسه کړ او د ۱۳۸۷ کال د حمل په ۱۹مه نېټه یې د لوړو زده کړو وزارت څخه رسمي اجازه واخیسته. دغه پوهنتون د ۱۳۸۷ کال د سنبلې په لومړۍ نېټه د محصلینو جذب پیل کړ.

دغه پوهنتون د خپلو ټاکلو موخو د تحقق لپاره د خپلو چارو په سر کې یو مشورتي بورډ لري. د دې بورډ غړي د افغانستان له مخکښو علمي او ټولنیزو شخصیتونو څخه جوړ شوي دي، چې د پوهنتون د چارو د پرمختګ لپاره لازمې مشورې او لارښوونې وړاندې کوي. د پوهنتون ډېری سترې او مهمې پرېکړې د همدې بورډ په سلا او مشوره ترسره کېږي. تر اوسه پورې بورډ خپلې شپږ غونډې ترسره کړې دي او د پوهنتون د پېژندنې، اعتبار او پراختیا لپاره یې د مهمو فعالیتونو زمینه برابره کړې ده.

چراغ طبی پوهنتون د لوړو زده کړو یو معتبر بنسټ دی چې د باکیفیته زده کړو، علمي څېړنو او د متخصصو، متعهدو او نوښتګرو کادرونو د روزنې لپاره فعالیت کوي. پوهنتون هڅه کوي د زده کړو، څېړنو او ټولنې ته د خدمت له لارې د افغانستان په دوامداره پرمختګ کې اغېزمن رول ولوبوي.